超推薦！佐敦高質日式串燒咖啡店！Mizu

啱啱週末中午去咗佐敦搵食，發現咗一間日頭係Cafe, 夜晚就會變成主要提供各式各樣即叫即燒日式串燒嘅居酒屋餐廳🏮😍！佢就係Mizu餐廳，而試咗佢嘅Mizu燒鳥定食，好好味，真係唔同大家分享唔得！😆 Mizu嘅店外店內嘅裝修都好靚，很有現代感嘅同時又保留咗啲日式風格。🎌 門口有個戶外用餐區，除咗戶外水泥感嘅軟墊櫈外，門口左邊仲掛住兩個大大嘅彩色日本燈籠，襯埋綠色植物牆成為一個好靚嘅打卡區！ ～Mizu燒鳥定食 $188 🐔🍱🔥 食物方面，燒鳥定食真係出色到爆燈！🐓食物嘅外觀已經超吸引人。燒鳥定食有六碗不同嘅嘢食😍 1.日式沙律 2.麵豉湯 3.蕎頭漬 4.海蜇青瓜絲涼拌 5.日本蛋+秘製醬汁 6.燒鳥碗飯 佢哋所有嘅配菜都好好食，啲醃漬物蕎頭同青瓜絲涼拌酸酸甜甜又爽口，好開胃。而佢哋店最出名嘅係燒鳥，即係燒雞，呢個碗飯就有齊三種唔同又好味嘅燒雞，佢哋整齊咁排列喺白藍色間條嘅大瓷碗，每塊燒雞都烤到金黃色，同埋有啲微焦，真係好吸引。 三款燒雞分別係，店舖signature-秘製雞肉棒棒🍗，係免治雞肉整成嘅棒，啖啖都是雞肉味😋；之後係一骨手羽先，鹽燒嘅雞翼食到雞的原味，仲要係拆到得一條骨🐓，十分方便客人食😋；最後係同大蔥一齊燒嘅雞肉串🍢，加入甜甜的醬油一齊燒肉質鮮嫩多汁😋 呢三種燒雞各有特色，每款都好好味，除咗雞外，仲有燒日本青椒仔同埋冬菇，都好好味呀😋 而定食入面仲有一碟日本蛋加秘製醬汁提供兩種食法，可以將蛋同醬汁撈勻，用嚟點燒雞去食；或者可以將醬汁成個倒入飯到，同飯撈埋一齊食😋我當然係兩樣都試曬🤤🤤蛋味鮮濃，加埋特製醬汁撈埋更加鮮甜惹味，真係好正！食完想再encore 😆! ～Latte coffee ☕️ Mizu 嘅咖啡亦都係一流，叫咗Latte，係少有裝喺玻璃杯入面 ，拉花圖案係一束花，好少見又好靚。😊咖啡香濃滑順，加埋牛奶好夾，不會太酸太苦，又有奶本身嘅甜味，好飲！食完個燒鳥定食，飲埋定食包括嘅飲品，真係好滿足。☺️ 串燒 x cafe 真係好特別又少有，如果鍾意食串燒日本菜嘅話，真係推介Mizu呢間餐廳，佢哋嘅食物質素同環境都好好，燒物鳥更加出色，實唔會令你失望！ Mizu 佐敦德興街3號地舖 推介度：⭐️⭐️⭐️⭐️⭐️/5⭐️ #咖啡 #日式 #串燒 #燒鳥 #mizu #cafe #佐敦 #熱門菜式 #打卡 #chill#週末